پازیب دی فقط ہے جھنکار تیڈے نانویں
عیش وآرام, خُوشیاں تے پیار تیڈے نانویں
ڈُکھاں دے,سارے اُوچھن توں میکوں دان کر چا
سُکھیں دی شالہ رہوے چہکار تیڈے نانویں
تیڈے او خواب سُوہنڑا ذہنی سکون ڈیندن
اکھّیں تے, اکھ دی لالی, کُلزار تیڈے نانویں
ایمان میڈا توں ہیں, ایقان میڈا توں ہیں
سچ تاں ہے جگ دے سارے انوار تیڈے نانویں
ڈوہژے تے ٹپّے ماہیے غزلاں دے شعر سارے
میڈے اے قول سارے, افکار تیڈے نانویں
مُکدی مُکا ہے چھوڑی اج گال میں تبسمؔ
چہرے میڈے دا سارا لسکار تیڈے نانویں
رضوانہ تبسم درانی
