غریبی
سال دے بعد سیالا آندے مونجھاں مار گھتیندین
وت کجھ آساں بے پرواہ دے در تئیں گھن کے ویندین
راہ وچ سو سو وہم ولھیٹن، ایں تھیسی، اوں تھیسی
سدھ نی ہوندی شام تھیون تے کئیں پاسے موں تھیسی
وت ایں سال وی حجتاں کر کے دل دلدار دو آندے
وت ایں سال سیالی رات اِچ من مونجھے ہاں ماندے
وت ایں سال وی بر وِچ دیرے سر تے رات سیالی
دید دا خس خیرات نی ملیا کیا منگری کیا تھالی
سم پو اصغرؔ مونجھ دی چادر سر پیریں تئیں چھک پو
اج وی خان دے شہر اِچ تیکوں کہیں نئیں آکھیا ٹِک پو
وت کجھ آساں بے پرواہ دے در تئیں گھن کے ویندین
راہ وچ سو سو وہم ولھیٹن، ایں تھیسی، اوں تھیسی
سدھ نی ہوندی شام تھیون تے کئیں پاسے موں تھیسی
وت ایں سال وی حجتاں کر کے دل دلدار دو آندے
وت ایں سال سیالی رات اِچ من مونجھے ہاں ماندے
وت ایں سال وی بر وِچ دیرے سر تے رات سیالی
دید دا خس خیرات نی ملیا کیا منگری کیا تھالی
سم پو اصغرؔ مونجھ دی چادر سر پیریں تئیں چھک پو
اج وی خان دے شہر اِچ تیکوں کہیں نئیں آکھیا ٹِک پو
اصغر گورمانی
No comments:
Post a Comment
Note: only a member of this blog may post a comment.