وِچ بَزارے تَکڑی دَھر کے روگ ناں میرے تول
میری پِیڑ اَوّلی سبھ توں، میرے درد انمول
مُتّاں مغروں دل دے ویہڑے چھات کِسے نئیں پائی
جنویں کھلوتے پانی وِچ کوئی پِھیکر سُٹّے اڈول
اَج اَکّھیاں دے تھل وِچ فیر کوئی امبروں پُھونہہ پئی اے
سُکّی ریت اُتّے اِک چِتّر پا گئی نواں نرول
اَکّھیاں ہوون سندے وی میں بنیا نئیں سجاکھا
اَکّھیں ویکھ کے موہرا کھاہدا، پِھردا ڈانواں ڈول
ارشدؔ میریاں پلکاں اُتّے دُھوڑ غمّاں دی جَمّی
کاہنوں اوہدیاں یاداں دے میں ورقے لئے پھرول
ارشد چہال
No comments:
Post a Comment
Note: only a member of this blog may post a comment.