دیویں وے بابلا اوس گھرے
دیویں وے بابلا اوس گھرے
جِتھے سس بھلی پردھان
سہرا سردار ہووے
ڈاہ پِیڑھا بہندا ساہمنے وے
بابل! تیرا پُن ہووے
تیرا ہووے گا وڈڑا جس
بابل! تیرا پُن ہووے
دیویں وے بابلا اوس گھرے
جِتھے سس دے باہلڑے پت
اِک منگیئے، اِک ویاہیئے
وے میں شادیاں ویکھاں نت
بابل! تیرا پُن ہووے
تیرا ہووے گا وڈڑا جس
بابل! تیرا پُن ہووے
دیویں وے بابلا اوس گھرے
جِتھے مجّھاں بوریاں سٹھ
اِک رِڑکاں، اِک جماواں
وے میرا چاٹیاں دے وِچ ہتھ
بابل! تیرا پُن ہووے
تیرا ہووے گا وڈڑا جس
بابل! تیرا پُن ہووے
دیویں وے بابلا اوس گھرے
جِتھے درزی سِیوے پٹ
اِک پاواں، اِک ٹنگنے
میرا وِچ صندوقاں دے ہتھ
بابل! تیرا پُن ہووے
تیرا ہووے گا وڈڑا جس
بابل! تیرا پُن ہووے
دیویں وے بابلا اوس گھرے
جِتھے گھاڑ گھڑے سُنیار
اِک پاواں، دُوجا ڈبڑے
وے میرا وِچ ڈبیاں دے ہتھ
بابل! تیرا پُن ہووے
تیرا ہووے گا وڈڑا جس
بابل! تیرا پُن ہووے
بابل دے گیت، اک فرمائش تے
No comments:
Post a Comment
Note: only a member of this blog may post a comment.