تیڈی سِک دا سفر سارا کرنڑ دا فیصلہ کیتے
اساں جیتی ہوئی بازی ہرنڑ دا فیصلہ کیتے
تیں آکھیا ہا ولا ملسوں اوہا ہک آس ہے ورنہ
میں کئی واری تیڈے شہر اچ مرنڑ دا فیصلہ کیتے
اساڈی تس دے بوکھے نال یوسفؑ لڑکدا آندے
جیندی الھڑ جوانی کوں ڈریندی سر دی چاندی ہے
اوں اپنڑاں ڈاج خود کٹھا کرنڑ دا فیصلہ کیتے
جڈاں وی ہجر دے دریا دا پانڑی تار تھئے عصمتؔ
تیڈی یادیں دے تولھے تے ترنڑ دا فیصلہ کیتے
ریاض عصمت
No comments:
Post a Comment
Note: only a member of this blog may post a comment.