جد میں چناں کلہا ہے ساں
قسمیں چنگا بَھلہ ہے ساں
ساہواں آن اجازت منگی
میں تے آپے چلا ہے ساں
کیویں ذات نکھیڑی بیٹھا
جاندے یار گوانڈھوں تَکے
بُوہے اَگے کَھلا ہے ساں
کیویں نال پھسائی رکھدا
بے میچے دا چَھلا ہے ساں
میری گَل دا ہاسا ہویا
کوڑا خیریں سَلہ ہے ساں
تیرے وچوں بولاں گا میں
تیرے جثے رَلا ہے ساں
تینوں مشکل ہونی سی ناں
تھوڑا کم اوَلا ہے ساں
دل توں لہندا کیویں صابرؔ
تَھلے ڈونگھا ڈلا ہے ساں
محمد صابر
No comments:
Post a Comment
Note: only a member of this blog may post a comment.