سارے بھالے سوہنڑے ہن، کچے کوٹھے چنگے ہن
ہتھ دے چھالے سوہنڑے ہن، کچے کوٹھے چنگے ہن
ہک پاسوں ہا مال بنہیدا ڈوجھے پاسوں منجے ساڈے
یار سیالے سوہنڑے ہن، کچے کوٹھے چنگے ہن
ڈاڈی نال چوا کے گارا کوٹھا لِمبڑاں مرضی دا
ہتھ گھڑمالے سوہنڑے ہن، کچے کوٹھے چنگے ہن
شیشے آلی بوتلی دا ڈِیوا بلدا رہندا ہائی
جالے کالے سوہنڑے ہن، کچے کوٹھے چنگے ہن
ٹک دے تلے تھمبھیاں ہن چھت ہائی پکی پتلاں دی
چنڈ اچ جالے سوہنڑے ہن، کچے کوٹھے چنگے ہن
منور سعید اعوان
