وے چنہاں دیا پانیاں
وے چنہاں دیا پانیاں
وگدے سَمے دیا ہانیاں
تیرے کنڈڑے بہہ کے مَلّا وے
اِک پُور حیاتی ہنڈاء لیا
جد واج پئی سی عشقے دی
تُوں وگدا رہیا تو وگدا رہیا
نال سَمے دے بَھجدا رہیا
کدے نہ رُکیا، کدے نہ پُچھیا
نہ ای ویکھیا کسے وَل
پتناں تے بیٹھے نُوں
کھا گئی سی کیہڑی گل
تیرے امرت ورگے پانی دی
بُک بھری تے پی لئی
تیری بے پرواہی ہتھوں
اَسّی جِیبھ نمانی سی لئی
وے چنہاں دیا پانیاں
وگدے سَمے دیا ہانیاں
سلیم پاشا
