ماں
کِڈّے لاڈ لڈاوے ماں
صدقے واری جاوے ماں
آپوں کھاوے رُکّھی سُکّی
مینوں دُدھ پلاوے ماں
آپوں دُھپ وِچ سڑدی ریندی
ٹھنڈ وِچ سوندی گلِّے پاسے
مینوں سُکّے پاوے ماں
کچی نِیندر ہوسی اوس دی
سُتیاں ناں جگاوے ماں
جِتھے میرا مڑکا ڈُھلے
اوتھے رَت وگاوے ماں
کنڈ ہو جاندی اوس دی خالی
جس دی وی مر جاوے ماں
جے وَس چلدا مرن نہ دیندی
ہاڑے ترلے پاوے ماں
پُتر پاویں پیڑے ہوون
سو سو پردے پاوے ماں
رحمت دے کُھل جان خزانے
جدوں ہتھ اٹھاوے ماں
جس منورؔ رب نوں مناؤنا
اپنی اوہ مناوے ماں
منور حسین چشتی
No comments:
Post a Comment
Note: only a member of this blog may post a comment.