نبھا نہ سگیں تاں سہارا نہ ڈیویں
کوئی خواب میکوں اُدھارا نہ ڈیویں
زمانے دے رَلّے جے ماریں تُوں پتھر
رقیباں کوں اَکھ دا اشارا نہ ڈیویں
میڈا ہتھ پکڑ کے جے وَل چھوڑ ڈیویں
بھنور وِچ میں ٹھیک آں کنارا نہ ڈیویں
سجن تیڈی نفرت ملاوٹ تُوں پاک ہے
محبت دا دھوکہ دوبارا نہ ڈیویں
عمر کھپدیں ساری گذاری ہے شاکرؔ
بُڈھیپے دے وِچ توں کھپارا نہ ڈیویں
شاکرؔ شجاع آبادی
No comments:
Post a Comment
Note: only a member of this blog may post a comment.