آن ڈیکھیں ہا حال رُل گئی دا
تھئے مٹی وال وال رُل گئی دا
غم توں جگرا نڈھال رُل گئی دا
ڈاڈھا رکھدیں خیال رُل گئی دا
تیڈی مشق ستم کمال ہے پر
کون ڈیوے تیڈی خبر جیویں
کوئی نئیں سنڑدا سوال رُل گئی دا
صرف ہک وار منہ ڈکھا سانول
ایہو وعدہ تاں پال رُل گئی دا
بھانویں وکھ ہن نصیب پر دل تاں
جڑ گیا تیڈے نال رُل گئی دا
فیضؔ پردیس ونج کیتو پیارا
روندیں گزریا ہے سال رُل گئی دا
فیض بلوچ
No comments:
Post a Comment
Note: only a member of this blog may post a comment.