اکھاں اکھاں وچ سوہنیا اشارہ نہیں کری دا
بھانبڑ لا کے سینے، کنارہ نہیں کری دا
نیہرے نال متکا میں لا لئیا بنڑ کے دِیوا
زندگی مینوں دسیا گذارہ نہیں کری دا
ہس پینا واں انج تے میں وی بُھل بُھلا کے
پر دُکھ کہندا اے سُکھ گوارہ نہیں کری دا
کِرناں جہئیاں پُھٹیاں جد اوہ سوہنا ہَسیا
آکھیا سی بس لُک لُک نظارہ نہیں کری دا
کوئی تے جا آکھو دل دے جانی تائیں
ناگناں تائیں اینا آوارہ نہیں کری دا
انجم رانا
