پنجابی پوٹھواری پوٹھوہاری پہاڑی شاعری
موت
جدوں آ جاواں فیر مُڑ ٹَلدی نہ
پیش کسے شاہ زور دی چلدی نہ
باہوں پکڑ کے نال میں لئ جاندی
جاندیاں جاندیاں پیغام اے دئ جاندی
تاڈے حصے دا بچیا اناج کوئی نی
باوے آدمؑ توں لے کے حضورؑ توڑی
علی ولی تے شاہ منصور توڑی
جدوں آ جاواں خالی جاوندی نہ
کسے رعب دبدبے وچ آوندی نہ
ویکهے کدی میں تخت تے تاج کوئی نی
میں آں موت تے میرا علاج کوئی نی
لکهاں وسدے میں کہار ویران کیتے
شیراں ورگے بے وس جوان کیتے
مہندی کسے دے ہتهاں تے سجی رہ گئی
سری گانی گل کسے دے بجی رہ گئی
تکهیا کسے دا قیمتی داج کوئی نی
میں آں موت تے میرا علاج کوئی نی
بھائی پیناں توں قاسم جدا کیتے
لکهاں روندے معصوم تنہا کیتے
روزِ ازل توں ایئو میں کار کردی
کهڑے چمن وچوں ختم بہار کردی
اس توں بغیر میرا کم کاج کوئی نی
میں آں موت تے میرا علاج کوئی نی
وحید قاسم
No comments:
Post a Comment
Note: only a member of this blog may post a comment.