جدید پنجابی شاعری
مسئلے حل نئیں ہندے یارا کیہ کریئے
چلدا نئیں ہُن کوئی چارا کیہ کریئے
جنگل دے وِچ رُل جاون دا سوچدے ہاں
ہندا نئیں بِن یار گزارا، کیہ کریئے
پھٹ جسمانی ہندے تے بھر جانے سی
اکھ اوہدی دے ساگر دے وچ ڈُبے ہاں
کیہ کریئے تنکے دا سہارا کیہ کریئے
شوہ دریا وِچ ٹھل جانا تے سوکھا اے
ہو جاوے جے دُور کنارا کیہ کرئیے
قسمت جس دے نال مِری منسوب ہوئی
ڈُبدا جاندا اے او تارا، کیہ کریئے
دل وچ جس دی آس سجائی عاکفؔ نے
اوکھا اس دا یار نظارا، کیہ کریئے
عاکف غنی
No comments:
Post a Comment
Note: only a member of this blog may post a comment.