پنجاب دی وَنڈ
وَیریا وے وَیریا
اَسیں تُسیں اِک ساں
تے اِک ساڈا گھر سی
بُوہے نال بُوہا سی
چھبے والے کھالے دے
نِگال ساڈے سانجھے سَن
میرے والے رُکھاں دے وی
ڈال ساڈے سانجھے سَن
کیہے اوہ ہنیر جُھلّے اَسیں تُسیں راہ بُھلّے
تُساں چَھوّی نَپ لئی، تے اَساں ڈانگ چُک لئی
دِھیاں تے دھانیاں دے سِراں توں دوپٹے لَتّھے
لاڈیاں تے رانیاں دے سِراں توں دوپٹے لَتّھے
چُوریاں دے تھال جیویں لہو دے بَھرِی گئے
رانجھیاں دے سَدھراں دے چھیڑ ای کوہی گئے
قاتلاں تے خُونیاں نے قتلاں دی حد کِیتی
عزتاں دے ڈاکواں نے ظُلماں دی حد کِیتی
راوی تے چنہاں دیاں پانیاں نے وَین کِیتے
گِدّے وِچ رُوپ دِیاں رانیاں نے وَین کِیتے
گڑیاں دے سوہڑ جیویں امبراں توں لِہہ پئے
نِکّے نِکّے آہلنے وی رُکھاں اُتوں ڈیہہ پئے
واء سی کرودھ دی جو سبھ کُجھ مار گئی
دھرتی پنجاب دی تے پِٹ پِٹ ہار گئی
رضا شاہ
No comments:
Post a Comment
Note: only a member of this blog may post a comment.