ساہواں وچ اُتارے ساہ
اک دُوجے توں وارے ساہ
سُفنے سُفنے دے وِچ اُس نے
پِینگاں وانگ ہُلارے ساہ
عشق دی نگری پیر نہ پاوے
جس نُوں ہون پیارے ساہ
دل دی مٹی کُھردی جاوے
وَڈھی جان کنارے ساہ
لوڑاں تھوڑاں سنگھی گُھٹی
کِتھوں آن وچارے ساہ
عمر گنوا کے موت خریدی
دے گئے ڈھیر خسارے ساہ
ڈھو ڈھو جُثہ ہفدا جاوے
پتھراں توں وی بھارے ساہ
آندے جاندے سینہ چِیرن
کَوڑے، لُونے، کھارے ساہ
لوئے لوئے ویچ کے ٹُر گئے
ساہواں دے ونجارے،ساہ
کاہدی آکڑ جَدی پُشتی
جد کہ ہَین اُدھارے ساہ
جیہناں کولوں ساہ پئے کنبن
اوہ وی اوڑک ہارے ساہ
چُگنے پے گئے بُڈھے وارے
ساری عمر کھلارے ساہ
خورے حالی جیوندا ہوویں
لے کے ویکھ نثارے ساہ
نثار احمد
اک دُوجے توں وارے ساہ
سُفنے سُفنے دے وِچ اُس نے
پِینگاں وانگ ہُلارے ساہ
عشق دی نگری پیر نہ پاوے
جس نُوں ہون پیارے ساہ
دل دی مٹی کُھردی جاوے
وَڈھی جان کنارے ساہ
لوڑاں تھوڑاں سنگھی گُھٹی
کِتھوں آن وچارے ساہ
عمر گنوا کے موت خریدی
دے گئے ڈھیر خسارے ساہ
ڈھو ڈھو جُثہ ہفدا جاوے
پتھراں توں وی بھارے ساہ
آندے جاندے سینہ چِیرن
کَوڑے، لُونے، کھارے ساہ
لوئے لوئے ویچ کے ٹُر گئے
ساہواں دے ونجارے،ساہ
کاہدی آکڑ جَدی پُشتی
جد کہ ہَین اُدھارے ساہ
جیہناں کولوں ساہ پئے کنبن
اوہ وی اوڑک ہارے ساہ
چُگنے پے گئے بُڈھے وارے
ساری عمر کھلارے ساہ
خورے حالی جیوندا ہوویں
لے کے ویکھ نثارے ساہ
نثار احمد
