اُنج ورھیاں توں منہ نوں تالے لگے نیں
بُلھاں توں سنگھ تیکر جالے لگے نیں
گل کرنی تے سینہ چیر کے رکھ دینا
کجھ لوکاں نوں جِبھ نہیں پھالے لگے نیں
اوہدا فن تے اپنی تھاں، پر ویکھو ناں
تیر تے میرے آل دوالے لگے نیں
سینہ، منہ، ہتھ پیر تے لگے جُثے نوں
انج لگدا اے دُکھ وی نالے لگے نیں
بھاویں چمکن اخباراں تے روز سعید
مینوں اج دے سورج کالے لگے نیں
رانا سعید دوشی
No comments:
Post a Comment
Note: only a member of this blog may post a comment.