نویکلا رنگ؛ چٹا چانن چولا پاواں

نویکلا رنگ

چِٹا چانن چولا پاواں
اپنا بھیس وٹاواں
ہر اک تند تے سجّن رَچیا
وَکھرا کِنج کراواں
کی منگنا، کی لینا رب توں
جانڑدا اے سب چاہواں
ہک دعا وی یاد نئیں تے
دل نوں کی پرچاواں
کعبے ول کی جاواں
ہِکو کلمہ پڑھدیاں نے
ساریاں میریاں ساہواں
کیہڑی ساه بچاواں
دونہاں قدماں نوں بنھیا اے
کھچ کے، اوهدیاں راہواں
کعبے ول کی جاواں
دَم دے نال اے سجّن رَلیا
میں تاں اِک پرچھاواں
مُکدیاں نے تے مک جاون
بھانویں ساریاں سانہواں
رَچے ہوئے رنگ دے اُتے
کیویں رنگ رچاواں
کعبے ول کی جاواں

عارفہ شہزاد