کل خوابی ویکھیا میں ہیر دے وجاہ نوں
عرشاں تے جاندی ہوئی عاشقاں دی واہ نوں
مینوں انج لگیا سیال سارا ہسدا
ہیر ڈاھڈی خوش سی تے رانجھا وی سی ہسدا
کناں وچ یار دے غرور دیاں والیاں
کیدو دیاں اکھاں وچ پیاربڑا جچدا
کانوں دل ٹٹنے سی کجھ نہیں سے کچ دا
بابلے نے دھی نوں غروراں نال ٹوریا
کسے نے وی کسی دا جی دل نہیں سی توڑیا
فیر انج لگیا کہ خوشیاں دے کھنب گئے
ونجلی وجاندیاں سی میرے ہتھ کنب گئے
ہیر جہی ہیر کوئی ہاڑا جیہا پاندی سی
ہوکے جہے بھر کے تے پیو نوں او کہندی سی
بابلا وے میں وی تیری ہیر جہی ہیر آں
اکھاں وچ جمیا ہجر دا میں نیر آں
اے جد کہہ کے اونے رانجھے ول تکیا
بڑیاں امیداں تے پیاراں نال تکیا
ہتھ وچ پھڑیاں نیں غیرتاں دی لاٹھیاں
مارمار تھکیا جے ساہواں کر ماٹھیاں
ہیر جہی ہیر جد ہیر وچوں اٹھ گئی
مینوں انج لگیا کہ صابرے دی کھٹ گئی
محمد صابر
No comments:
Post a Comment
Note: only a member of this blog may post a comment.