جد سنیے کہ امبڑی روندی رہندی اے
ساڈے منہ دی رونق جاندی رہندی اے
آناں جاناں لگا رہندائے سوہنے دا
لوڑ اسانوں متھے لاندی رہندی اے
توں آیاں سی ساڈی ریتاں ویکھن لئی
ہن تھلاں تے بارش پیندی رہندی اے
ہک ماڑے نیں میری برکی کھادی سی
میرے ہتھیں خارش ہوندی رہندی اے
او وی کوڑے راگ الاپی رکھدا اے
چپ اساڈی ہیراں گاندی رہندی اے
میں تے جھگی آپ ثبوتی ویکھی سی
جتھے مائی رولا پاندی رہند ی اے
تسیں کیہڑے ناگ لکائی پھردے او؟
ڈر دی شوکر کن نوں کھوندی رہندی اے
کوئی بندہ گھر دا ڈھوئی جاندا اے
سانوں پیڑ بھرالی ڈھوندی رہندی اے
تیرے لارے ویلا کوہی جاندے نیں
ساڈا اندرا کھد بد کوہندی رہندی اے
محمد صابر
ساڈے منہ دی رونق جاندی رہندی اے
آناں جاناں لگا رہندائے سوہنے دا
لوڑ اسانوں متھے لاندی رہندی اے
توں آیاں سی ساڈی ریتاں ویکھن لئی
ہن تھلاں تے بارش پیندی رہندی اے
ہک ماڑے نیں میری برکی کھادی سی
میرے ہتھیں خارش ہوندی رہندی اے
او وی کوڑے راگ الاپی رکھدا اے
چپ اساڈی ہیراں گاندی رہندی اے
میں تے جھگی آپ ثبوتی ویکھی سی
جتھے مائی رولا پاندی رہند ی اے
تسیں کیہڑے ناگ لکائی پھردے او؟
ڈر دی شوکر کن نوں کھوندی رہندی اے
کوئی بندہ گھر دا ڈھوئی جاندا اے
سانوں پیڑ بھرالی ڈھوندی رہندی اے
تیرے لارے ویلا کوہی جاندے نیں
ساڈا اندرا کھد بد کوہندی رہندی اے
محمد صابر
