گیت
ایدکی پِیڑاں دا رنگ ہور
نہ ایہہ پِیڑ ندانی والی
نہ ایہہ ٹِیس جوانی والی
ایہدی بات ہی کوئی ہور
ایدکی پِیڑاں دا رنگ ہور
نہ ایہہ پِیڑ کلیجیوں اُٹھے
نہ ایہہ رہندی دل دی گُٹھے
ایہدی پتہ نہ کیہڑی ٹھور
ایدکی پِیڑاں دا رنگ ہور
نہ ایہہ جاگی نہ ایہہ سُتی
نمھے نشیاں وِچ وگتی
جند ہو گئی لورو لور
ایدکی پِیڑاں دا رنگ ہور
نہ ایہہ پِیڑ مِلن دی کاہلی
نہ ایہہ پِیڑ وچھوڑے والی
ایہدی دوہاں توں وکھری ٹور
ایدکی پِیڑاں دا رنگ ہور
موہن سنگھ
