اساں باغی ہیں اساں باغی ہیں
تیڈی روح کولوں تیڈے راج کولوں
تیڈے تخت کولوں تیڈے تاج کولوں
خود ساختہ رسم و رواج کولوں
اساں باغی ہیں، اساں باغی ہیں
تیڈے درد کولوں درسال کولوں
تیڈی نسل دے ہک ہک بال کولوں
اساں باغی ہیں، اساں باغی ہیں
تیڈی سوچ کولوں، تفہیم کولوں
تیڈی بوگس ذات ضخیم کولوں
ایں بے تکی تقسیم کولوں
اساں باغی ہیں، اساں باغی ہیں
بے سرت سحر دے نور کولوں
تیڈے محشر جئیں منشور کولوں
تیڈے دل دے منگدے دستور کولوں
اساں باغی ہیں، اساں باغی ہیں
رکھیں قید نہ ہن آزاد کریں
ساڈی توں نہ کوئی امداد کریں
ساکوں وسریں نہ ساکوں یاد کریں
اساں باغی ہیں، اساں باغی ہیں
فریاد ہیروی
