پنجابی گیت
اکھاں چھم چھم وسیاں
دِلاں دیاں گلّاں دِلاں وچ رہ گئیاں وے
نہ تُوں سُنیاں، نہ دسیاں
اکھاں چھم چھم وسیاں
نِکی جیہی جِنڈری نوں روگ کی اے لا لیا
سوچاں وچ ڈُبی ہوئی وانگ میں سودائیاں وے
کدی روئی آں کدی ہسی آں
اکھاں چھم چھم وسیاں
کیہڑی گَل ماہیاں وے تُوں مُکھ ساتھوں موڑیا
دِل ساڈا غماں دے سمندراں چ روہڑیا
ایسے دل چَندرے دے آکھے کاہنوں لگ کے
دُکھاں وِچ میں پھسی آں
اکھاں چھم چھم وسیاں
تُوں نہ جدوں پاس چناں کی اے ساڈے پاس وے
دِن وی اُداس ساڈے راتاں وی اُداس وے
لُٹ گیا چین ساڈا رُس گے ہاسے وے
خوشیاں نیں دُور نسیاں
اکھاں چھم چھم وسیاں
فرزانہ نیناں
