غریب کوں کئیں غریب کیتے امیر زادو! جواب ڈیوو
ضرورتاں دا حساب گِھنو، عیاشیاں دا حساب ڈٰیوو
سخاوتاں دے سنہرے پانڑیں، سے نال جیڑھے مٹا ڈِتے وے
اوہ لفظ موئے ہوئے وی بول پوسن، شرافتاں دی کتاب ڈیوو
شراب دا رنگ لال کیوں ہے، کباب دے وچ ہے ماس کِیندا
زیادہ پھلدا ہے کالا جیکوں، خرید گِھندا ہے اوہو کرسی
الیکشناں دا ڈرامہ کر کے، عوام کوں نہ عذاب ڈیوو
قلم ہے منکر نکیر شاکرؔ، جتھاں وی لُکسو اے تاڑ گِھنسی
غلاف کعبے دا چھک تے بھانویں ناپاک منہ تے نقاب ڈیوو
شاکر شجاع آبادی
