کدے کدے تاں انج وی کرنا پیندا اے
ہتھیں مہرا کھا کے مرنا پیندا اے
ویچ کے اپنے جُسے دا لہو کدے کدے
آٹے والا پیپا بھرنا پیندا اے
لہو دا ہووے بھانویں دریا بھامبڑ دا
اپنی منزل دے لئی ترنا پیندا اے
کدے کدے تاں مان کسے دا رکھن لئی
چٹے بدلاں نوں وی ورھنا پیندا اے
وچ حیاتی انج دے موڑ وی آؤندے نیں
دشمن دا وی پانی بھرنا پیندا اے
جنہاں دے گھر بیری باباؔ اوہناں نوں
کچا پکا روڑا جرنا پیندا اے
بابا نجمی
