تیرے شہر دے بابا نجمی، لوک چنگیرے ہندے
جُھگیاں وِچ نہ چانن بدلے، گھپ ہنیرے ہندے
پُھلاں دے گلدستے گَھلدے اک دُوجے دے وَلے
گرجے مندر وِچ مسیتے لوک جے میرے ہندے
میں وی گھر دے اوبڑاں اگے راز جے ویچے ہندے
سر دا پُھمن سر تے ہندا، لنڈن ڈیرے ہندے
میں وی اپنے سجناں اتے پُھلاں دا مینہہ پاؤندا
میرے وی جے لوکاں وانگوں، کاش، بنیرے ہندے
میرے چَم دِیاں وَٹیاں وَٹو، لہو نال بھر لؤ دِیوے
کر لؤ گھر دے لوکو جیکن دُور ہنیرے ہندے
میرا ناں وی ہندا بابا اتلے وِچ ادیباں
میں وی شاہ دے چمچے اگے ہنجو کیرے ہندے
بابا نجمی
