میں کتا ویکھدا رہنا
میں شیشہ ویکھدا رہنا
او اپنی پکھ دے لئی سڑ گیا
مردار کھاندا اے
او راتیں جاگدا رہندا
او صابر اے
میں جابر ہاں
میں اپنی پکھ دے لئی
روز جیوندے جسم کھاندا ہاں
میں کندھاں رات نوں ٹپناں
کسے انسان نوں رج کے
میں کھاندا ویکھ نہیں سکدا
میں اپنے یار اتے
کنڈھ پچھوں وار کردا ہاں
جے کتا نسل دا ویری
تے میں وی نسل دا ویری
او میتھوں فیر وی اچا
او کتا ہو کے وی سچا
میں بندا ہو کے وی لچا
میں کتا ویکھدا رہنا
میں شیشہ ویکھدا رہنا
احمد نعیم ارشد
