بھانویں توں جان نہ جان وے، ویہڑے آ وَڑ میرے
میں تیرے قربان وے، ویہڑے آ وَڑ میرے
تیرے جیہا مینوں ہور نہ کوئی
ڈھونڈاں جنگل، بیلا، روہی
ڈھونڈاں تاں سارا جہان وے، ویہڑے آ وَڑ میرے
لوکاں دے بہانے رانجھا چاک مہیں دا
رانجھا تاں لوکاں وِچ کہیں دا
ساڈا تاں دین ایمان وے، ویہڑے آ وَڑ میرے
میں تیرے قربان وے، ویہڑے آ وَڑ میرے
شاہ عنایت سائیں میرے
ما پے چھوڑ لگی لڑ تیرے
لائیاں دی لج جان وے، ویہڑے آ وَڑ میرے
میں تیرے قربان وے، ویہڑے آ وَڑ میرے
بابا بلھے شاہ
