سانوں کوہجی ویکھ نہ چھڈ وے
تساں بھَلیاں دے ہتھ لج وے
اساں چھڈنا تہاڈا در ناں
تہاڈے قدماں دے وِچ مرناں
سانوں روز حشر دا ڈر ناں
تساں بھَلیاں دے ہتھ لج وے
سانوں تہاڈی ذات تے مانڑ اے
قربان تساں تے ساڈی جان اے
تہاڈا مکھ جیویں قرآن اے
تہاڈی دید اساڈا حج وے
تساں بھَلیاں دے ہتھ لج وے
تہاڈے ناں نوں چُمدے لب وے
وِچوں دِسدا سانوں رب وے
ہتھ بنھ کے نال ادب دے
تیری دید کراں رج رج وے
تساں بھَلیاں دے ہتھ لج وے