عشق صراحی
"عشق پُچھیندا "دس نی جِندے کیکن دِینہہ گزارے؟
"جِند کہے، "میں سپنے تیرے مہندی نال شنگارے
"عشق پچھیندا "دس نی جِندے کِیکن نین رووندے؟
"جِند کہے، "میں لکھاں تارے زُلف تیری وِچ کُندے
"عشق پچھیندا "دس نی جِندے کِیکن بلے سوائی؟
"جِند کہے، "میں آتش تیری پچھی ہیٹھ لُکائی
"عشق پچھیندا "دس نی جِندے کِیکن وَرھے بِتائے؟
"جِند کہے، "میں شوق تیرے نُوں سُولاں دے ویس ہنڈھائے
"عشق پچھیندا "دس نی جِندے گھاؤ کیہے کو چنگے؟
"جِند کہے، "میں رت جگر دی سگناں دی سالُو رنگے
"عشق پُچھیندا "دس نی جِندے کرم کیہے کو کیتے؟
"جِند کہے، "تیری شوق صراحیوں دُکھاں دے دارو پیتے
"عشق پچھیندا "دس نی جِندے کِیکن عُمرا بیتی؟
"جِند کہے، "میں نام تیرے توں سَد قربانے کیتی
"عشق پچھیندا "دَس نی جِندے عاشق دا کیہ کہنا؟
"جِند کہے، "تیرا ستھر چنگا بھٹھ کھیڑیاں دا رہنا"
امرتا پریتم
