گیتاں دے بنجارے رُس گئے
آن دے لا کے لارے رُس گئے
سانُوں کُجھ وی خبر نہ ہوئی
کیہڑی گل توں پیارے رُس گئے
ہوئیاں ہور ہنیریاں راتاں
زور جنہاں دا چلدا نئیں سی
روئے فیر وِچارے رُس گئے
رو رو کے ہُن سُک گئیاں اکھیاں
جِیویں اتھرُو کھارے رُس گئے
تُوں کیہہ میتھوں رُسیا سجناں
رنگاں بھرے نظارے رُس گئے
سینے وِچ بھکھدے سن جیہڑے
عشق دے اوہ انگارے رُس گئے
تُوں ناں اِک وی من کے دِتی
لا لا کے سب چارے رُس گئے
عذرا ناز
