جِسراں سارے جگ دے سِر تے اِکو جہیا آسمان دا رنگ
فیر کیہ ہوندا جے کر دیندا اِکو اپنے وان دا رنگ
اوناں دے سِر لوڑاں اگے وِچ میدانے جھکدے نیں
جیہڑے لوک چڑھا لیندے نیں پگاں اتے آن دا رنگ
اودوں تیک دبا سکدے نیں مظلوماں دا ظالم حق
کد تک پرچی گھلدی رہنی ایتھے اوناں لوکاں دی
جیہڑے لوگ وِگاڑی جاندے میرے پاکستان دا رنگ
گھر ناں جیہڑا یار وکھاوے، اودے نال یارانا کی
مُل کدے نہ ٹُکنا لوکو، باہروں ویکھ مکان دا رنگ
ہتھ رہوے گا مَتھے اتے ربا میرا مر کے وی
بُلھے ورگا جے کر دیویں، میری کِتے زبان دا رنگ
کل دے وانگوں اج وی لگدا شیشا روندا جاوے گا
دسدا پیا اے بابا مینوں پرھیا دے پردھان دا رنگ
بری نظامی
