اسیں لوک کھڈونے مٹی دے
سانوں کھیڈن والا سونے دا
او رَج رَج کھیڈاں کھیڈ رہیا
سانوں توڑ کے فیر بناندا اے
کدی ساڈی شکل وٹاندا اے
سانوں ہور دا ہور بناندا اے
کدی سادھاں وِچ شمار کرے
کدی پھَڑ کے چور بناندا اے
اسیں ٹُٹ پینے اوہدے کھیڈن تے
ساہ ساہ نال راضی رہنے آں
او بھَن دیوے او جوڑ دوے
ایہ ساری اوہدی مرضی اے
بس ساڈی اِکو عرضی اے
مکھ ساڈے کولوں موڑے ناں
سانوں جناں مرضی توڑ دوے
پر ساڈے دل نوں توڑے ناں
اسیں لوک کھڈونے مٹی دے
سانوں کھیڈن والا سونے دا