پنجابی پوٹھواری پوٹھوہاری پہاڑی شاعراں تے فنکاراں ناں تعارف
سوہنے خطۂ پوٹھوار نے وچ یارو
بڑے بڑے نامور جوان ڈٹھے
فخر ماواں نوں شیراں دلیراں اُتے
گجان ماردے سرِ میدان ڈٹھے
سوہنی جنت نظیر کشمیر اندر
رُتبے اوج شہید تے فیض ہو کے
پاندے حیدری تمغہ نشان ڈٹھے
اسے خطۂ پوٹھوار دے وچ یارو
سخنور ڈٹھے، سخندان ڈٹھے
ان گنت، پر کُجھاں دا ناں لیساں
لعلاں ہیریاں دی جہڑے کان ڈٹھے
شمس، ساغر، مجذوب، ندا، واجد
بات بات میں پھُل برسان ڈٹھے
ادھر حاکم اک حاکم آفاق بلخی
رکھن سخن تے خوب دھیان ڈٹھے
شاد، نشتر، فیاض، ایاز، زکی
عابد، طالب، آثم باغبان ڈٹھے
آتش، خاور، زمرد، رحیم، اظہر
بابو، سجاد، بادل، گجرخان ڈٹھے
ماسٹر نثار، قیصر تے قلندر، باوا
سرمد، حاشر، حقیر دی جان ڈٹھے
ادھر ماسٹر خیال نسیم بسمل
سائیں محفوظ وکھرے سائیں ویران ڈٹھے
حضرت باوا قلی، تے حنیف حنفی
شاہ حبیب تے عبدل رحمان ڈٹھے
لال حسین، ملنگی، عزیز، قمر
قادر، ملک، مرزا شیرزمان ڈٹھے
سائیں صدیق، تے انور فراق یارو
جوگی پیر ڈٹھے حضرت خان ڈٹھے
وکھرا خانوادہ حضرت سائیں دا سی
وکھو وکھ وکھرے عالیشان ڈٹھے
سائیں ایرانی استاد سن شاعراں دے
احمد علی میرِ کاروان ڈٹھے
اسے خطۂ پوٹھوار دے وچ یارو
ڈاھڈے سُر سُریلے شعرخوان ڈٹھے
شعرخواناں دے نال ہر قدم اُتے
وکھو وکھ سازی سازگان ڈٹھے
باوا بانکا اک دوجے گھڑیال وکھرے
سرور میرا رحمان رمضان ڈٹھے
راجہ نازک تے قمر ندیم، حافظ
ذوالفقار خادم مہربان ڈٹھے
احتشام، زبیر، مجتبیٰ، ناصر
آصف ازرم ماسٹر ذیشان ڈٹھے
نکا عابد فرید گلفام میراں
درداں بھرے صدیق اعوان ڈٹھے
گرہ
اک مجسمۂ ادب توں جاں صدقے
موضع خاص سہوٹ راجگان ڈٹھے
پڑھدے نعت پرسوز پرجوش جس دم
اکثر پھاڑ لیندے گریبان ڈٹھے
وکھرا سوز انداز تے لب و لہجہ
کردے فخر سارے شاگردان ڈٹھے
اونے عابد ضمیر شاگرد واحد
سادہ طبع با ادب انسان ڈٹھے
اکرم گجر، یٰسین، ابراہیم، قبلہ
حق سچ پوٹھوار نی شان ڈٹھے
گرہ
بات بات میں سوسو بات مخفی
پڑھ گے چست پیچیدہ عنوان ڈٹھے
ساجد رزاق مبارک غلام رسول حاجی
وازاں ماردے نال آسمان ڈٹھے
باوا رحم علی رضا شاہ فضلداد چہلا
قاضی واحد عارف پنوں خان ڈٹھے
سائیں برکت خوشحال ارشاد آکھے
شعر خوانی دے بانی سلطان ڈٹھے
