پنجابی پوٹھواری پوٹھوہاری پہاڑی شاعری
چھپنڑ چھوت
نِکیوں ناں اوه پیار نئیں بھلناں
نہ اوه ویلا مڑ کے اسناں
خؤرے کِسرے وِتھاں پئیاں
چھپنڑ چھوت نی وار سی تُہاڑی
جہڑی حالیں تک نئیں مُکی
یاری توڑ نبھانڑی سی میں
تُہاڑی وار چکانڑی سی میں
اج وی آں میں چھپیا ہویا
پر تُوں مہاڑی لوڑ نئیں کیتی
تائیوں تے اج بَکھ ہوئ گئے آں
گلیاں نے اَس ککھ ہوئ گئے آں
تُکی تے ایہہ دَسیا وی سا
کہڑی جائ میں چھپیا ہوساں
شیراز اختر مغل
