ماں
ہر ہر پل تیری یاد ستاوے
تری یاد اِچ میں کُرلاواں ماں
میری گِلی تھاں تے سونا
ترے صدقے واری جاواں ماں
تیرے باجوں دھپے جانڑاں
تری خدمت رج کے کر نئیں سکیا
ہُنڑ لکھ لکھ نِیر وہاواں ماں
تری قبرے بے کے لاڈلا تیرا
آکھے ماواں ہوندیاں ماواں ماں
ماں دا وِچھوڑا مار مکاوے
کِینویں ہوٹا چِیر وکھاواں ماں
وس میرے جے ہووے مائے
تری قبرے میں سو جاواں ماں
ککھ وِنگا کوئی کر نئیں سکدا
مرے نل نے تیری دعاواں ماں
ماں تُوں میتھوں راضی گئی ایں
جنتاں دیاں اوندیاں واواں ماں
ورؔد، دعا دے بوٹے کِھڑیاں
بھلا میں کینویں مرجھاواں ماں
ورد بزمی