ایہ کون آ رہیا اے ماه لقا الله الله
ہے پر نور ساری فضا الله الله
گئی پھیلدی پھیلدی پھیل خوشبو
تیری زلف دا تذکره الله الله
نرالا نرالا انوکھی انوکھی
ترا ناز ،تری ادا الله الله
ترے جور، ترے ستم توبہ توبہ
مرا دل، جگر، حوصلہ الله الله
اوه بت ویکھیئے کدوں رام ہوے
وظیفہ اے دن رات الله الله
اوه ہتھاں تے ہتھ مار کے لے گیا دل
ایہ کی بن گیا ماجرا الله الله
کوئی اوس بت کول ڈردا نہ جاوے
گیا جھیڑا کردا گیا الله الله
دل انج صنم اتے توں قربان ہو جا
اوه خود مونہوں آکھے پیا الله الله
پتہ اوہنے دتا نہ کوئی نشانی
اوه دل لے کے بس ہو گیا الله الله
کدی یاد وچ فضل دی رات گزری
فجر تیک کر دا رہیا الله الله
پیر فضل شاه گجراتی
