ﺳﺎﮈﮮ ﺩﻝ ﺩﺍ ﺷﮩﺮ ﺍَﺑﺎﺩ
ﺳﺎﻧﻮﮞ ﺍٓﻭﮮ ﮈﮬﻮﻟﻦ ﯾﺎﺩ
ﺳﺎﮈﯼ ﭘِﺠﮭﯽ ﭘِﺠﮭﯽ ﺍَکھ
ﺍﺳﯿﮟ ﮨﻮ ﻧﮧ ﺳﮑﯿﮯ ﻭکھ
ﺍﺳﯿﮟ ﺩُﮐﮭﺎﮞ ﺩﮮ ﺳﻠﻄﺎﻥ
ﺳﺎﮈﮮ ﺩﻝ ﺍﻧﺪﺭ ﻃﻮﻓﺎﻥ
ﺳﺎﮈﯼ ﮐﻮﺋﯽ ﻧﮧ ﻟﯿﻨﺪﺍ ﺳﺎﺭ
ﺳﺎﮈﮮ ﮨﻮﭨﮭﺎﮞ ﺗﮯ ﻓﺮﯾﺎﺩ
ﺳﺎﻧﻮﮞ ﺍٓﻭﮮ ﮈﮬﻮﻟﻦ ﯾﺎﺩ
ﺳﺎﻧﻮﮞ ﺍٓﻭﮮ ﭘﺮﯾﺘﻢ ﯾﺎﺩ
ﺳﺎﮈﮮ ﺍٓﺳﮯ ﭘﺎﺳﮯ ﻏﻢ
ﺳﺎﮈﺍ ﺟﺎﻭﮮ ﺭﮎ ﺭﮎ ﺩﻡ
ﺍﺳﯿﮟ ﭘﮭﻼﮞ ﻭﺭﮔﮯ ﻟﻮﮎ
ﺳﺎﻧﻮﮞ ﻋﻤﺮﻭﮞ ﻟﻤﮯ ﺭﻭﮒ
ﺳﺎﻧﻮﮞ ﮐﯿﺘﺎ ﮨﺠﺮ ﻧﮯ ﻗﯿﺪ
ﺳﺎﻧﻮﮞ ﮐﻮﻥ ﮐﺮﮮ ﺍٓﺯﺍﺩ
ﺳﺎﻧﻮﮞ ﺍٓﻭﮮ ﮈﮬﻮﻟﻦ ﯾﺎﺩ
ﺳﺎﻧﻮﮞ ﺍٓﻭﮮ ﭘﺮﯾﺘﻢ ﯾﺎﺩ
ﺳﺎﮈﮮ ﮨﻨﺠﻮ ﻭﭺ ﻗﻄﺎﺭ
ﺍﺳﯿﮟ ﺭﻭﻧﺪﮮ ﺯﺍﺭ ﻭ ﺯﺍﺭ
ﺍﺳﯿﮟ ﭘﻞ ﺩﺍ ﻣﻨﮕﯿﺎ سکھ
ﺳﺎﻧﻮﮞ ﻟﺒﮭﮯ ﺩکھ ﮨﺰﺍﺭ
ﺳﺎﮈﯼ ﺍﺟﮍﯼ ﮨﺮ ﺗﻌﺒﯿﺮ
ﺳﺎﮈﮮ ﺳﻔﻨﮯ ﻭﯼ ﺑﺮﺑﺎﺩ
ﺳﺎﻧﻮﮞ ﺍٓﻭﮮ ﮈﮬﻮﻟﻦ ﯾﺎﺩ
ﺳﺎﻧﻮﮞ ﺍٓﻭﮮ ﭘﺮﯾﺘﻢ ﯾﺎﺩ
زین شکیل
