نجابی لوک گیت
گوری دِیاں جھانجراں بلاؤندیاں گئیاں
گلیاں دے وِچ ڈنڈ پاؤندیاں گئیاں
اتھری جوانی گلاں پھرے دسدی
ماہی غصے ہو گیا نہ گل وس دی
راہ جاندے راہیاں نوں سناؤندیاں گئیاں
گوری دیاں جھانجراں بلاؤندیاں گئیاں
سامبھے جان نخرے نہ انگ انگ دے
وینی اتے ناچ سی بلوری ونگ دے
عاشقاں دے لہو وچ نہاؤندیاں گئیاں
گوری دیاں جھانجراں بلاؤندیاں گئیاں
کالے جہے دوپٹے نے کی پایا نھیر نی
گھُنڈ وچ نین اوہدے لئے گھیر نی
مِتراں دے دل دھڑکاؤندیاں گئیاں
گوری دیاں جھانجراں بلاؤندیاں گئیاں
سانبھ کے تے رکھ لے ننانے گوریئے
روپ دا شنگار جالی دار ڈوریئے
نورؔپوری کولوں شرماؤندیاں گئیاں
گوری دیاں جھانجراں بلاؤندیاں گئیاں
نند لال نورپوری
