پنجابی لوک گیت
ایتھوں اُڈ جا بھولیا پنچھیا وے تُوں اپنی جان بچا
ایتھے گھرگھر پھاہیاں گڈیاں وے توں چھریاں ہیٹھ نہ آ
ایتھے ڈاکے پین دوپہر نوں تیرے آلہنے دین گے ڈھا
ایتھے زہر بھرے وچ دانیاں تیری دتی چوگ کھنڈا
ایتھے چُوڑے والیاں روندیاں گل وچ زلفاں پا
ایتھے گانے بنھ پچھتائیاں کوئی مَنو نہ لتھڑے چا
ایتھے چھیلاں پھاہے کھاندیاں اج گز گز وال ودھا
ایتھے ڈب ڈب موئیاں سوہنیاں ایتھے لہو بنے دریا
ایتھے قبریں ستے سورمے اج ماواں نوں تڑپھا
ایتھے وَڈیاں کھنباں والیاں اج تریاں کھنبھ کھہا
ایتھے بندے کھانے آدمی ایتھے بھیناں مارن بھرا
ایتھے کلیاں ورگیاں صورتاں اج دتیاں ساڑ کھپا
اوئے توں سُتے پھنیئر چھیڑ نہ جاہ وکھری بین وجا
ایتھے بھائی بھائیاں نوں ماردے اج بھیناں دےگھر چا
ایتھوں جیبھ کٹا کے جائیں گا ایتھے گیت نہ مٹھڑے گا
ایتھے گٔواں چھریاں کھاندیاں ایہنیں جنگلیں ہے نئیں گھا
ایتھے ہسدے پھل گلاب دے ویری سکنے دیندے نی پا
ایتھے ہسنا موت نشانیاں ایتھے ڈر کے جھٹ لنگھا
ایتھے وین نے پوندیاں بلبلاں اج وگ گئی کوئی ہوا
ایتھے گھوڑی کسے نہیں چاڑھنا تینوں رنگلی مہندی لا
تینوں رونا کسے نہیں رج کے کسے بھین نئیں مارنی دھا
ایتھے رناں چینچل ہاریاں اَتے بندے قہر خدا
ایتھے لوہے سونے کچ دا بیبا اِکو بازاریں بھا
تیری کلی جان وے پاندھیا ایتھے نہ کوئی بھین بھرا
او توں نورپوری پچھتائیں گا ایتھوں مڑ وطناں نوں جا
ایتھوں اُڈ جا بھولیا پنچھیا وے تُوں اپنی جان بچا
نند لال نورپوری
