جلسے جلوس تے ہنگامے لے کے بیہہ گئے
اُتوں ایہ اقامے تے پانامے لے کے بیہہ گئے
کرپشن کرپشن، تے دھاندلی او دھاندلی
نت پی ٹی آئی دے ڈرامے لے کے بیہہ گئے
کسے نوں مقرری دا شوق لے کے بیہہ گیا
شاہواں نوں نو مست خرامے لے کے بیہہ گئے
کجھاں نوں تے ویریاں دا وَیر لے کے بیہہ گیا
کجھاں نوں ایہہ چاچے خالو مامے لے کے بیہہ گئے
سیٹھاں نوں ملازماں نے نک کر چھڈیا اے
چوہدریاں نوں پنڈ دے ای کامے لے کے بیہہ گئے
ہون گیاں کدوں تک کچہریاں وچ پیشیاں
نیب والیاں دے سوالنامے لے کے بیہہ گئے
سارے اک دوجے دی نے پگڑی اُچھالدے
لیڈراں نوں طعنے تے اُلامے لے کے بیہہ گئے
