ہک ہے ہک ہے ہک ہے

کلاسیک پنجابی شاعری

ہِک ہے ہِک ہے ہِک ہے

ہک دی دم دم سِک ہے

ہک دے ہر ہر جا وچ ڈیرے

کیا اچ ہے کیا جھک ہے

ہک ہے ظاہر ہک ہے باطن

بیا سب کچھ ہلک ہے

ڈوجھا نہ تھیا ہے نہ تھیسی

کوڑیاں تروڑی بھک ہے

مقناطیس تے لوہے وانگن

ہوں ڈھولن دی چھک ہے

جیہڑھا ہک کوں ڈوں کر جانے

اوہ کافر مشرک ہے

مطلب ڈاڈھا سخت نزکی

پر رہ تے چل چک ہے

ساڈے سر سرواہ دا سارا

فخر پیا ملک ہے

درد دا بار اٹھا نہ سگدی

دل شودی نک ترک ہے

روز ازل دی دلڑی میڈی

رہ حق دی سالک ہے

دل دے نال خیال خدائی

کیا پورا گیا بک ہے

یار فرید سنجانن کیتے

اے نسخہ ہک ٹک ہے

خواجہ غلام فرید کوریجہ