جوبن جوانی دا دور تکھیا
گھوڑا نفس دا بہوں منہ زور تکھیا
آخر جت کے بازیاں ہاریاں نی
پھل گئیاں کیتیاں ساریاں نی
روگ دل دے دسو سناواں کس نوں
لنگ گئے زمانے پیار والے
جگر ہجر فراق وچ جلیا ای
سجن چھوڑ کے مینوں ہنڑ چلیا ای
روگ دل دے دسو سناواں کس نوں
دنیا داری تماشہ اک کھیل تکھی
جیویں پَتراں توں گِردی تریل تکھی
غمزدہ بس میری داستان رہ گئی
دُکھی دل دی آہ و فغان رہ گئی
روگ دل دے دسو سناواں کس نوں
غم خوار نہ کوئی دلدار رہیا
جِنہاں نال میں کردا پیار رہیا
ہنڑ مانڑ ترانڑ سب مُک گیا
احسن لاٹھی دی ٹیک تے جُھک گیا
روگ دل دے دسو سناواں کس نوں
رشید احسن
