پنجابی پوٹھواری پوٹھوہاری پہاڑی شاعری
چھڈ دیس پردیس وچ لاۓ ڈیرے
گزرے وقت سہانے بہوں یاد اشنے
یاد اشنے سنگ نے سارے سنگی
نالے گزرے زمانے بہوں یاد اشنے
دل وچ تانگ پوٹھوار نی اے فطری
دوشی قسم اے یاری نی عید نے دن
سنگوں وچھڑے یارانے بہوں یاد اشنے
آئی عید سنگاں والیاں دی
دکھی دلاں نوں سہارے بہوں یاد اشنے
درد دل دے جاگے تک پوشاک زرییاں
دردی وچھڑے پیارے بہوں یاد اشنے
ہوے دید کراں عید کھل کے
آکھیاں دید نظارے بہوں یاد اشنے
ہوندی چن بن دوشیا عید کیہڑی
کلہے چن نال ستارے بہوں یاد اشنے
اکرام دوشی
