بغاوت
دنیا ہک سٹیج اے
تے اے اداکاریں دی وستی ہے
خدا دا ناں اداکاری
خدا دے ناں اداکاری
اِتھاں مذہب اداکاری
جہانداری اداکاری
جیندے سنگ جے جتی رشتے
سبھی رشتے اداکاری
اِتھاں نفرت اداکاری
محبت وی اداکاری
مگر افسوس بہوں سارے اتھاں فنکار ایہہ جئے ہن
جنہیں کوں اپنے فن کیتے جیڑھا کردار بخشا گئے
انہیں کو او پسند نہ ہا
انہیں وچ میڈا ناں وی ہے
پھٹے ہوئے ویس، بے ڈھنگا بدن پاکے میں ہک شاعر دا کردار ہاں
میں مذہب دا اداکار ہاں
جہانداری وی کیتی ہِم
میں رشتیاں دی اداکاری دا وی ماہر اداکار ہاں
مگر کردار خوش نہ ہا
بغاوت کر ڈتی ہامی
پچِھیں ایں تھئے
محبت وچ تے نفرت وچ ریاکاری نمہی کیتی
میں اے کردار کیتے ہن، اداکاری نمہی کیتی
اصغر گورمانی
