عشق آزار برا نہیں ہوندا کی دساں
کرنا پیار برا نہیں ہوندا، کی دساں
جہڑا رِسدے زخماں اتے پھاہے رکھے
او غمخوار برا نہیں ہوندا، کی دساں
دل دے ویہڑے وس کے جہڑا اولے ہویا
او دلدار برا نہیں ہوندا، کی دساں
سچ دی سُولی جس نوں ٹنگی جاندے
او کردار برا نہیں ہوندا، کی دساں
وچ دُکھاں دے جہڑا ساتھ نبھاوے
انج دا یار برا نہیں ہوندا، کی دساں
سلیم کہانی عشق دی چھیڑی بیٹھا
لُٹیا وچ وچکار برا نہیں ہوندا کی دساں
محمد سلیم
