ویکھیں نین روا نہ بیٹھیں
پیار دا دھوکہ کھا نہ بیٹھیں
نہ آوے نہ نکلے ساہ
ہجر پواڑہ پا نہ بیٹھیں
ڈونگی رمز محبت والی
دل دے وچ وسا نہ بیٹھیں
یار بنا فر چین نئیں آندا
ویکھیں چین گوا نہ بیٹھیں
ککھ کلی دا عشق نہ چھڈے
کدھرے دل توں لا نہ بیٹھیں
سفنے وچ وی آندے نئیں
جھوٹے خواب جگا نہ بیٹھیں
حسن تے اڑیا مان کریں ناں
ایویں اٹیاں مل تلوا نہ بیٹھیں
عجز دے وچ سرداری ملدی
آکڑ پلے پا نہ بیٹھیں
میل مقدر مر کے ہونا
جیندیاں قسماں چا نہ بیٹھیں
محمد سلیم
No comments:
Post a Comment
Note: only a member of this blog may post a comment.