تینوں رب دیاں رکھاں
سدا رہن سلامت چارے تیریاں پکھاں
میریا پاکستانا! تینوں رب دیاں رکھاں
جھنڈا تیرا ہمیشہ رہوے جگ وِچ اچا
منگن روز دعاواں میرے ورگے لکھاں
نہراں چشمیاں دِتا تینوں نور بہشتی
ایہہ کشمیر تے جموں انگ دوویں نیں تیرے
جھنڈا جھولدا ویکھن اوتھے میریاں اکھاں
حاضر جان کے رب نوں سچا وعدہ میں کیتا
جے میں نتراں نہ پِڑ وِچ پڑی زہر دی پھکاں
نؔور ویکھ نہیں سکدا تتی وا تینوں لگے
پیواں جام شہادت، ویری ملک چوں دھکاں
نور کپور تھلوی
نور محمد نور
No comments:
Post a Comment
Note: only a member of this blog may post a comment.