طاق ولاونڑ سوکھا ہوندے؟
جھوک لڈاونڑ سوکھا ہوندے؟
خود کوں منفی کرنڑاں پوندے
یاری لاونڑ سوکھا ہوندے؟
ہک ہک بول جگر وچ کھبدے
لوک کھلاونڑ سوکھا ہوندے؟
کلھیپے دے کنڈیاں اتے
رات دھماونڑ سوکھا ہوندے؟
پتھریں کوں پاندھی پیریں دا
لہو پلاونڑ سوکھا ہوندے؟
اپڑیں گل پنجالی پا کے
ہل وہاونڑ سوکھا ہوندے؟
اپڑیں جنگ اچ اپڑیں آپ کوں
آپ ہراونڑ سوکھا ہوندے؟
عباس برمانی
No comments:
Post a Comment
Note: only a member of this blog may post a comment.