وے سائیاں
چُپاں چیک چہاڑے پائے
رولیاں لگی چپ
وے سائیاں ویکھ لے
ویکھ ہنیرا گھپ
ہاسے بُک بُک روون لگے
ساوے سُکًے رُکھ
وے سائیں ویکھ لے
ویکھ گواچے سکھ
چاواں دے گھر پیڑاں جمیاں
اتوں کُکھ ہری
وے سائیاں ویکھ لے
ویکھ میں جتی ہری
ٹھاراں دے وچ اًگ بھری اے
اگًاں ٹھنڈیاں سیت
وے سائیاں ویکھ لے
ویکھ عشقے دی رِیت
وے سائیاں ویکھ لے
غلام حسین ندیم
No comments:
Post a Comment
Note: only a member of this blog may post a comment.